Af ræktinni, Framsókn og Júlíu janúar 17, 2009

Er að hugsa um að slá færslumet þennan mánuðinn, tvær færslur í einum mánuði – geri aðrir betur.

 

Ég fékk góða gesti í gærkvöldi/nótt.  Hef aldrei verið með miðnæturkaffi áður, maður ætti kannski að gera meira af því. En Soffía og Júlía eru nú komnar á íslenska grundu. Þær stoppuðu aðeins við hjá mér í gær með Sísí og Magnúsi áður en þau brunuðu norður í Fjörðinn fagra, eins og Soffía vill kalla hann Mikið var nú gaman að sjá þær og fá nú loks að líta hana Júlíu berum augum. Hún er gullfalleg og mannaleg. Hlakka mikið til að hitta hana svo aftur í febrúar þegar hún verður skírð. Ekki var nú síður skemmtilegt að hitta Soffíu mína, höfum ekki sést síðan í júlí. Skrýtið til þess að hugsa að hún sé bara orðin mamma, en um leið ekkert eðlilegra vegna þess að það er eins og hún hafi ekki gert neitt annað. Góð mamma

 

Hvað er málið með Framsókn? Er hann dáinn? Af hverju er ekki bara útförin auglýst og stofnaður ESB flokkur?  Eða Framsókn og Samfylkingin sameinuð. Ég get svarið  það.  Svo eru þeir að kjósa sér formann. Ef ég væri Frammari myndi ég kjósa Höskuld Þór eða Sigmund Davíð. En ef ég þekki þetta lið rétt verður Páll Magg fyrir valinu. Þeir um það. 

 

Nú er líkamsræktin tekin með trompi VBB og félagi minn úr SÁM píska mér út í gyminu þessa daga. Það er bara hið besta mál ef það ber tilætlaðan árangur. Nú fær mörin að leka og BKBen verður orðin eins og lekker massaköggull (hvernig sem svoleiðis fyrirbæri lítur nú út) innan tíðar. Engin háleit markmið hér á ferð, nei nei. Það skal þó tekið fram að það verða ekki settar inn neinar before and after myndir. Þið verðið bara að gjöra svo vel að heimsækja mig. Stay tuned

 

Ætla að deila með ykkur uppáhaldslaginu mínu þessa dagana. Pínu  og væl og allt það, en það er gott að væla stöku sinnum. Veit allavega að Soffía og Hulda mín Guðmunds fíla þetta.

 

Jæja, best að fara koma sér í föt og setja upp andlitið. Er að fara með labbakút Erlendi Óla í Ikea. Hversu heppin er ég? Það er ekki leiðinlegt að vera Begga stóra frænka þessa dagana, ó nei

 

Veriði hress!

Áramótauppgjör …. aðeins of seint! janúar 11, 2009

Er ekki rosa mikið inn að gera upp árið? Jú, ætli það ekki. Ég ætla að stikla á MJÖG stóru.

Það var um þetta leyti í fyrra sem Bíóklúbburinn var staddur í kjúklingasúpu hjá Sigga og Hörpu í Akraselinu og línurnar fyrir Rhodosferðina góðu voru lagðar – sem var auðvitað snilldin ein.  

Soffía mín og Egill fluttu búferlum til Berlín, ég snökti að sjálfsögðu eins og smákrakki af sorg út janúar, at least.

Komu ekki páskar? Jú, mikið rétt og Kirkjuholtsslektið skrapp í Skorradalinn í bústað.  

 

 

 

 

 

Hoppa beint úr páskum í Rhodos, efast ekki um að það hafi eitthvað skemmtilegt skeð í millitíðinnim, en eins og ég sagði – stikla á stóru.  Góð sólarferð á “eðal” hótel og með “frábærum” mat og skemmtilegasti herbergisfélagi þótt víða væri leytað, hann Roomie minn Ekki skemmdi það að hitta Berlínanna mína.

 

 

 

 

 

 

Kella fór í 2 brúðkaup, þó ekki sitt eigið.  

 

 

 

 

 

 

 

 

 

 

 

 

 

 

 

Skrapp í vikuhestaferð. Brilliant, með Svein og pabba sem leiðsögumenn. Gerist varla betra.

 

 

 

 

 

 

 

 

 

 

 

Vúhú… brjálæðislega skemmtilega Berlínarferðin mín. Fjúff, held besta afslöppunar-túrista skemmtiferð so far. Gestgjafarnir voru líka ekki af verri endanum.

Svo varð ég svo sjúklega heppin að eignast frænku og frænda á þessu ári. Erlendur Óli 1. nóvember og Júlía hin þýska þann 5. desember. Mestu uppáhaldskrúttin mín. Myndunum hér að neðan er svoooo mikið stolið. Takk fyrir það Egill og Vala

 

 

 

 

 

 

 

 

 

 

 

Er þetta ekki bara komið gott í bili – eða hvað????

Jú, held það.

Peace oout frá Fröken Fix.

p.s. ég skil ekki af hverju myndirnar eru allar út um allt – þarf að læra betur á þetta. Þið fyrirgefið mér

 

Jólakveðja desember 24, 2008

Bara jólin að bresta á og ég enn í borginni, frekar spes. Það stendur nú allt til bóta þar sem karl faðir minn og SSB eru á leiðinni að pikka mig upp. Það vill svo ansi skemmtilega til að ég er á bakvakt í vinnunni um jólahátíðina og fæ að stelast heim í 2 daga – spes jól þetta árið.

Ég vildi bara óska ykkur gleðilegra jóla og farsældar á nýju ári. Sumir fá betri kveðjur en aðrir, þeir taki það til sín sem eiga það  

Sendi sérstakar jóla- og saknaðarkveðjur til Berlínarbúanna minna, þeirra Soffíu, Egils og Júlíu sætu.  I miss ya!      

Ho, ho, ho 

Begga.

Good times desember 7, 2008

Ef það er ekki efni í eitt stykki bloggfærslu núna, þá veit ég ekki hvað. Málið er að ég er bara alltaf svo seint til alls – sama hvað það er, þeir vita þetta sem þekkja mig

Svo ég byrji nú á stórtíðindum síðustu vikna þá verð ég að segja ykkur að ég eignaðist ómótstæðilega sæta frænku þann 5. desember sl. Snótin lét nú bíða svolítið eftir sér – en kom á endanum. Hún er ótrúlega sæt og fín. Ber keim af útliti föður síns, en það er líka greinilegt hver er mamman því snótin hefur greinilega erft kyssilegu varirnar hennar – heldur betur Elsku Soffía og Egill, enn og aftur til hamingju með stúlkuna – hún er gordjöss! Hér að neðan getur að líta nýbökuðu foreldrana

 

Þann 29. nóvember sl. hélt mútta gamla upp á 50 ára afmælið sitt með pompi og prakt, svakalegasta partý sem haldið hefuru verið í Kirkjuholti síðustu árin.  Enda hellti pabbi bólusettu rósavíni í liðið eins og enginn væri morgundagurinn. Við systur (samt kannski aðallega Vala, en svona ég eiginlega líka svona pínu) elduðum þessa líka fínu kjúklingasúpu ofan í liðið, sem btw sló í gegn (viljum við meina) Síðustu veislugestir fóru að ganga 5 – ekki slæmt það

Annars er mest lítið að frétta frá vígstöðvunum í Frostafoldinni – lífið gengur sinn vana ganga, borða – sofa – vinna …. en er það ekki bara ágætt á þessum síðustu og verstu?? Ég hefði nú haldið það

Fór á jólagleði dómsins sl. föstudag, þar var gleðin við völd as usual – leitt að geta ekki sett myndir af því hér inn …hmmm af hverju ætli það sé??? 

 

Jæja, ég er tóm í kvöld, veit ekki af hverju. Segi þetta gott í bili. Eins og þið sjáið þá hendi ég nokkrum myndum úr afmælisboðinu hérna inn. Þar sem ég á ekki myndavél í augnablikinu þá lánaði matgæðingurinn og mágur minn, Birkir Kúld, mér þessar myndir, góðfúslega

 

Sé  ykkur,

Fröken Fix

Ástin er Excelskjal nóvember 16, 2008

Ég get víst ekki leynt því mikið lengur, en eftir mikla leit og misgóðan árangur síðustu ára í karlamálum, þá hefur BKBen fundið ástina á ný. Það sannaðist það sem fólk hefur verið að segja við mig í gegnum tíðina “þetta kemur þegar þú síst átt von á” Ég hef nú reyndar alltaf skellt skollaeyrum við þessu og rembst eins og rjúpan við staurinn að reyna ná mér í mannsefni. Loksins tókst það. Ég hef reyndar ekki fengið samþykki pabba fyrir þessum ráðahag, en hann hefur gert þá kröfu að ég beri mannesfni mitt undir hann áður en ákvörðun er tekin. Þegar ég var yngri þá setti hann það skilyrði við okkur systur að við mættum alls ekki ná okkur í mann með gat í eyra – ég hef reyndar í gegnum tíðina alltaf haldið mig við það en VBB hlíddi því ekki frekar en einhverju öðru og nældi sér í skáta með gat hversu töff er það og hefur gataði skátinn bara reynst henni vel og mágkonu sinni líka (ginggang gúllí gúllí). Annað á við um mig, ég passaði mikið upp á þetta gata dæmi en allt kom fyrir ekki. Ég reyndar held að nýja ástin mín sé ekki með gat, eða það þá allavega gróið.  Hér á myndinni að neðan getið þið litið hann augum, hann er reyndar með útstæð eyru – bara flott sko. Mamma er hann ekki flottur??

Fyrir rúmri viku síðan fór ég á smá skrall með nokkrum gömlum bekkjarfélögum úr ML. Mikið óskaplega var gaman. Mikið drukkið og mikið hlegið. Ég væri nú búin að dæla inn myndum hefði ég ekki bara týnt myndavélinni á þessu skralli. Mikið svekkelsi í gangi – En svona er þetta þegar maður hagar sér eins og 19 ! Ekki urðu eftisköstin jafn skemmtileg daginn eftir þegar Kirkjuholtsþrifflokkurinn hringdi og vakti mig og sagði “við erum við Rauðavatn” þá fyrst kastaði ég upp. En takk annars elskulegi þrifflokkur, couldn´t have done it without you eins og svo margt annað!

Annars er ég búin að liggja í sælgæti alla helgina, meira en góðu hófi gegnir. Sem þýðir bara bólur næstu 2 vikurnar, hvað er ég að spá. Fór í Nettó og keypti mér svona kókosbollur og Völubuff … jebb legg ekki meira á ykkur. Í hvert skipti sem ég fékk mér bita sönglaði setning systur minnar “Begga ertu ekki í aðhaldi?” Jú Begga er í aðahaldi en bara urðu á tæknileg mistök. 

En smá um kreppuna. UUUU nei ekki láta ykkur detta það í hug að ég fari að tjá mig um hana. Þetta liggur allt svo í augum uppi. Við búum í landi þar sem ráðamenn og pólitíkusar eru svo gjörspilltir og löngu búnir að drulla upp á bak.

 

Fröken Fix kveður að sinni!

Smá update frá vori og sumri nóvember 5, 2008

Mér finnst ekki annað hægt en að segja aðeins frá því sem á daga mínu hefur drifið síðustu mánuði, svona furst ég er að þessu á annað borð. 

Títtnefnd Rhodosferð varð að veruleika í maí. Frábær ferð í alla staði, var náttúrulega með frábærasta herbergisfélaga í heimi geimi, hann Rúnar minn. Hann passaði upp á mig, leyfði mér að hafa hjónrúmið, srap moskótí með stuttbuxunum sínum og var 1 mínútu í sturtu. Er hægt að biðja um eitthvað meira?? NEI, hélt ekki.  

Hótelið vara reyndar ekki alveg upp á marga fiska eins og hefur svo komið enn frekar í ljós þegar heiftarlega salmonelluskýking kom þar upp í sumar. Hvernig má annað vera þegar fuglar og hundar fá bara að ráfa um matsalinn eins og ekkert sé eðlilegra.

En ferðin var að öllu öðru leyti mergjuð enda ekk i von á öðru þegar Bíóklúbburinn er annars vegar. EInnig hitti ég Berlínarbúana mína þarna líka og var það nú algjör bónus 

Ásdís Hanna og Andri Páll létu  pússa sig saman 14. júní, fínasta partý þar Síðan létu Berlínarbúarnir Soffía og Egill pússa sig saman hjá Sýsla þann 16. júní. Ég fékk þann vafasama heiður að vera vígsluvottur ásamt PMS  ;)

 

Í byrjun júlí fór ég í ógleymanlega hestaferð með famelíunni, þ.e. í 7 daga. Ákveðið var að fara ríðandi til Reykjavíkur og til baka, reyndar ekki sömu leið. Ferðin var alveg svakalega skemmtileg enda ekki leiðinlegt að ferðast með Þallarfamelíunni, ó nei – kemur Sigurður Snær þar sterkur inn

 

Mín skellti sér svo til Berlínar eins og ekkert væri – ekki kreppan á þessum bænum. Ég sum sé heimsótti heiðursjónin Soffíu og Egil, snilldarferð hreint út sagt, enda höfðingjar heim að sækja. Ég og sú ólétta röltum um allt má segja, ótrúlegt hvað Soffía nennti að fara með mig – hehe en við vorum líka mjög duglegar að hvíla og okkur og fá okkur Starbucks. Gaman að segja frá því að við fórum einmitt og hlýddum á president Obama við Sigursúluna, vorum bara nokkuð ánægðar með okkur. Annars var veðrið alveg dásamlegt þessa viku sem ég dvaldi þarna, enda skruppum við á ströndina eins og ekta sóldýrkendum sæmir Bara frábær ferð sem verður lengi í minnum höfð. Svo bíður maður bara eftir erfingjanum þeirra sem von er á núna í nóvember – ég er náttúrlega bara spennt eins og frænku sæmir!

Í lok ágúst gerði Kirkjuholtsfamelían svo víðreisn norður í land – fín vika þar. Algjör afslöppun á milli þess sem maður fór á ísbjarnaslóðir og horfði á handbolta –

Annars var sumarið bara frábært, eyddi þeim tíma sem fór ekki í utanlandsferðir bara í sveitinni, þar er nú alltaf best að vera, bara facta

 

Held ég segi þetta gott í bili – fraus eitthvað myndadæmi hjá mér.

 BKBEn kveður að sinni og vonar að nýbakaður faðir fyrirgefi mér strandvarðamyndina

 

 

 

 

 

 

 

Nýtt og nýtt! nóvember 4, 2008

Jæja jæja.

 

Þá er ég flutt, ekki bara búferlum heldur líka í netheimum. Var orðin heldur pirruð á þessu bloggar drasli og ákvað bara að drífa mig þangað sem allir eru

Verð svo að koma því á framæri að ég eignaðist ótrúlega sætan frænda á laugardaginn. Hef ekki enn farið og kysst hann og kjassað en það stendur nú allt til bóta. Til hamingju Siggi og Harpa.

 

 

 

 

 

 

 

Vá hvað ég er mega klár á þetta dæmi – bara mynd og allt.

 

Segi þetta gott í bili, má ekki ofgera mér.

Begga